SSK pillugu
Sulisunik Siulersuisut Kattuffiat SSK
Naatsumik oqaluttuassartaa
Sulisunik siulerssuisut kattuffiat aallartinneqarpoq 1970-mi 10. November tamanna sioqqullugu taamanikkut formand-inik taaneqartartut regulative malillugu akissaasersugaapput tassa taaguutigalugit underformandit formandit overformandillu. Taamatut suliffeqarfiup iluani aaqqissuussisimaneq umiarsuarmi pissutsit malillugit aqqissuunneqarsimavoq tassa aquttuaraq aquttoq naalagarlu, malikannerlugit akisussaaffiliisoqarsimavoq.
Tamanna pissutigalugu umiarsualivinni formandit Danmarkimi pikkorissarnerminni immaqa isumaqatigiissimapput peqatigiiffiliorniarlutik tamaalillunilu aallartinneqarsimalluni taaguuteqarluni Grønlands arbejdsleder forening naalisarlugu G.A.F.
Taamaalilluni Kattuffingorpoq sinerissami immikkoortortaqalerluni ilaasortaallutik umiarsualivinni formandit fabrikkini kommune-imi formandit ammalu maannakkut Nukissiorfeer-tukkatsinni atorfeqartut, aammalu allani tele-imi peqqinnissaqarfinni allanilu taamatut akissarsiaqartut.
Tamatuma kingorna isumaqatigiinniarsinnaaneq anguniarneqalerpoq anguneqarlunilumi taamani folketingimut ilaasortaasoq ikiortigalugu Danmarkimi attaveqarfissamik nassaarsimapput tassalu suleqatigineqalerluni taamanikkut taaguuteqatut arbejdslederne kingorna taaguuteqalersut Lederne, taakkua immikkoortortaattut atulerpoq. Taamaalillunilu isumaqatigiinniartoqartalerpoq akissarsiat pillugit Danmarkip naalagaafianut. Isumaqatigiinniarnernilu arbejdslederit juristii ikiortigineqartarput. Isumaqatigiinniarnerillu Danmarkimi pigajupput ilaatigullu nunatsinni pisarlutik.
Namminersorneruleratta nunatsinni Naalakkersuisut isumaqatiginiarfigineqartalerput. Kattuffimmilu siulersuisut ikiorteqaratik imaqatiginniarnerit ingerlattalerpaat.
Kattuffiup pilersinniarneqarnerani suleqataasimasut arlaqarput siuttorisimavaat Anguteeraq Davidsen maanna toqukkut qimagutereersoq uvannga allattunga taamungaannaq taaguerusunnginnama taasaqanngilanga taamaakkaluartorli kikkut suleqatigiissimanersut Sisimiut Katersugaasiviani atugannguami takuneqarsinnaapput.
Taanna atugaasannguaq Kattuffik ukiunik 20-liimmat Qaqortumi ataatsimeersuarnermi Anguteeraq Davidsen-imit tunniunneqarpoq soraarninngoreeraluarluni Kattuffimmit qaaqqusaalluni peqataasumik taannalu SSK-p oqaluttuarisaaneranut pingaaruteqarpoq. Taamaattumik uvannga allattunga Kattuffik allaffeqanngikkallarmat tammannginnissaa pillugu Sisimiut Katerssugaasiviannut paarisassanngorlugu tunniuppara Kattuffilli ataatsimeersualeraangat nassarneqarsinnaanngorlugu peqataasunik takuneqartarniassammat.
Ukiorlu taanna 1990 Kattuffiup ukiunik 20-liinera iluatsillugu Angeteeraq Davidsen ataqqinaammik ilaasortanngortinneqarpoq.
Una oqaluttuannguaq allanneqarpoq ullumikkut Siulittaasuusumit Gerth Lundblad-imik